KUITWA KAZINI SERIKALINI - 11/20/2014

Sekretarieti ya Ajira katika Utumishi wa Umma inapenda kuwataarifu
waombaji kazi wa nafasi mbalimbali waliofanya usaili kuanzia tarehe 21
Oktoba hadi tarehe 05 Novemba, 2014 kuwa waliofaulu usaili husika
mchakato wa kuwapangia vituo vya kazi umekamilishwa. Orodha ya majina
yao ni kama yanavyoonekana katika Tangazo hili. Aidha, Orodha hii pia
inajumuisha baadhi ya wasailiwa ambao walikuwa kwenye kanzidata kwa
kada mbalimbali ambao wamepangiwa vituo vya kazi baada ya nafasi
kupatikana.

Waliopangiwa vituo vya kazi wanatakiwa kuripoti katika vituo vya
kazi walivyopangiwa katika muda ambao umeainishwa kwenye barua zao
za kupangiwa vituo vya kazi wakiwa na vyeti halisi (Originals Certificates)
vya masomo kuanzia kidato cha nne na kuendelea ili vihakikiwe na mwajiri
kabla ya kupewa barua ya ajira.

Barua za kuwapangia vituo vya kazi zimetumwa kupitia anuani zao.
Aidha, wale ambao majina yao hayakuonekana katika tangazo hili
watambue kuwa hawakupata nafasi/hawakufaulu usaili, hivyo wasisite
kuomba mara nyingine nafasi za kazi zitakapotangazwa tena

KUITWA KAZINI UTUMISHI/SERIKALINI - NOV 2014